نفسي أعرف هتحترم نفسك أمتي بقي !؟
بقي عندك مليون سنة وبرضه لسه زي منتا !!!
كييف تطلع تسوء صورة اي فئة مره الشيوعيين ومره الأخوان ومره الحكومة يعني م الاخر اي حاجة تعمل فيها أراجوز والسلام
وآخر كوارثك تطلع تقول ان المقاومة في غزة هي الي ودت الشعب في داهية وأن عشان عجلة السلام -الي اتخرمت وأتعمل فيها كل ما هو متاح- تستمر لازم يقضي علي المقاومة .
أحب اقلك كتك ستين نيله بجد
الي زيك مصيره هو مزبلة التاريخ
عشان مش هنلاقي حاجة عدلة نفتكرك بيها
والفرق الشاسع بينك وبين الفنانين الي بيحترموا دماغ الناس وبيحترموا نفسهم فرق غير طبيعي
يعني الفنان محمد صبحي يجيلوا أنفجار في أحد شرايين الدماغ المسئولة عن الأبصار وكان هيفقد أحد عيناه نتيجة لأرتفاع ضغط الدم أثناء مشاهدة أحداث غزة.
وقال أن من يتهم المقاومة أو يطالب بوقفها فهو في مزبلة التاريخ.
وأنت بتقول الكلام ده !
والله أنا ملقتش أفضل من بوستر الفيلم ده ليك
الهـلـفــوت
.jpg)
هو كل اللي هايعترض علي المقاومه هايبقي هلفوت
ردحذفيبقي انا هاسكت احسن
ههههههههههههههههههه
اصلا عادل امام دا حط نفسة في مزبلة التاريخ من زمان
ردحذفهو اساسا اللي بدع موضوع التحرش في افلامة و لا الناس قلدته بيقولوا دا جاء منين دا جديد علي مجتمعنا و ناسين المعلم الكبير
يالا كلها ايام و التاريخ خير حكم علي الناس
هو حتي محصلش هفلوت... الاغلبية الصامتة مكتوب عليه مقالة بتقول انه انسان منافق بردوا
عاشقة وغلبانة
ردحذف:)
ليه كده بقــــــي
مكنا كويسين
بصي الموضوع مش مسئلة كل الي هيعترض علي المقاومة بس أهم حاجة يكون مقتنع مش منافق او افاق زي الحمار الي فوق ده
يعني يكون عندك دليلك علي كلامك الي مقتنعة بيه
ولو عايز نفتح ساحة الحوار لكده انا علي اتم استعداد
وانا عندي نتائج الحرب كاملة ونتناقش ونشوف المقاومة ليها لازمة ولا صواريخ عبثية !!!
وقولي رأيك متخافيش مش هعملك بوست :))
شمس الدين
ردحذفايوه طبعا هو حاطط نفسه من زماااان بس كله كوم والبشريه الي ماتت كوم والمقاومة كوم والقضية الفسطينية كوم
وبعدين ده التحرش هو عادل امام وعادل امام هو التحرش
الله يرحم بقي بخيت وعديلة وعنتر شايل سيفة وغيره
حمد الله ع السلامة يا شمس
ياأخي العزيز هو مزبلة ماشية على قدمين
ردحذفاراجوز والفرق شاسع بينه وبين صبحي او دريد لحام
ده اراجوز الحكومة ومن زماااااااااان وهم اللي خلوا لواحد زي ده منظر وماشي شادد ضهره ولا كأنه الزناتي خليفة بس للأسف ليه ولمثله زناتي بسيف ورق
بذمتك راجل زي متحف الشمع وكل فيلم عامل نفسه دون جوان جميع النساء ده يبقى سوي؟ ده عقدة نقص وقلة ربنا يعافي رجال المسلمين
تحياتي بوست حلو
سوتيتة
ردحذفانا اصلا موضوع ان الستات بتموت فيه ده شاللني
علي ايه يا عمي !؟
هدي نفسك يا تامر
ردحذفده راجل معقد من زمااااااان .. من اول ما كان بيطلع كومبارس يضرب على قفاه .. بقى في كل فيلم يضرب له كام واحد بالقلم بس علشان العقدة
وقال زعيم قال .. ده زعبولة مش زعيم
كبر دمااااااااااغ وهي مزبلة التاريخ هاتشيل ايه ولا ايه؟؟؟
وبعدين انت بتقارن صبحي ماما امريكا .. بامام بودي حارد
عادل اهم حاجة عنده في الفيلم من دول هايبوس مين وهيحسس فين .. وهايضرب كام واحد بالقلم
بلااااااااااا قرف
فتافيت بتاعة البوست الجامد
ردحذفعلي رايك هي مزبلة التاريخ دي هتشيل ايه ولا ايه وهتفضي بقي كل دول فين ؟
وموضوع انه لازم يضرب حد علي قفاه ده لا شك طبعا من انه نقص واضح
وفي حاجة نفسي افهمها
هي الولية الي اسمها رجاء الجداوي دي معندهاش عيال تتكسفلهم !
طب عشان سنك طيب
وبعدين ايه كيف عادل امام ان الولية دي تبقي معاه في كل داهية!
لو كان هذا الكلام صدر من أحد غير عادل امام يمكن ان أقبله على سبيل النقاش
ردحذفلكن ان يصدر هذا الكلام من واحد بيطلع في مشاهد فاضحه مع البنات وهو عنده فوق ال 70 سنه فلا يصح ان يقول رأيه في احداث مثل هذه
العمليه اصلها سلطه
كل واحد بيقول وخلاص
لورنس العرب
ردحذفنورتني بأسمك اللذيذ ده بجد
وبعدين هي مشاهد فادحة بس
خليني ساكت احسن
والله انا طول عمرى بحترم محمد صبحى جدا .. لانى ومن وجهه نظرى كمتفرجه او كمتلقى .. انه بيحترم جمهوره أوووى وانتقائى فى ادواره بشكل يخلينا نحترمه
ردحذفاما عادل إمام بتاريخه التمثيلى الطويل اللى احنا منقدرش ننكره بردو كمواطنين ياما شافو افلام لعادل امام .. هو كل مشكلته ان هو كل افلامه الهدف منها حاجه واحده زى ما انت قلت .. انه يضحك الناس وبس .. يعنى حتى لو بيقدم قضيه سياسيه فى اى فيلم ليه فهو بيقدمها علشان تخدم غرضه فى انه يجعله فيلم كوميدى .. وان كنا هنتكلم عنه ك كومديان .. فهو ناجح فى كده فعلا
لكن كوميديا بلا مغزى وراءها مش زى صبحى
مهو احنا ياما شفنا افلام لعادل امام مش عشان ما يطلبه المشاهدون
ردحذفده عشان مفيش غيره بيتذاع من واحنا عيال حضرتك
أما بقي موضوع انه كومديان ناجح ولا لا
فأنا رأيي انه ربنا مديله كاريزما علي انه يضحك اما كمهارات تمثيلية فهو عادي جدا مقلتش معندوش بس مش محترف هو بس بيعرف ازاي يستغل كل ادواته المحدودة زائد علي كده ان العمل بيقوم علي كوكتيل معاه بيسمحوله انه هو الي يكون ظاهر علي غير صبحي بيقوم بدور في وسط عدة ادوار ناجحة وممكن يكون هو الي جابهم اصلا
زي الكاست بتاه المشهور كده بتاع وجهة نظر وتخاريف والهمجي
اغلبهم هو السبب فيهم
وزي سيمون الي مكنتش تحلم انها تبيع فجل في السوق اصلا هو الي خرج منها حاجة عدلة بعد فشلها الزريع في الغناء
اكشن المرة التانية .. الكومنت الاول طاااااااااااااار
ردحذفبقولك انت مضايق نفسك ليه هم بيكونوا مجموعات بتحب تشتغل مع بعض بيرتاحوا مع بعض
واحنا نتشل مش مهم تلاقيهم في كل دهية سوا .. سينما ومسرح وتليفزيون
وبعدين بتقول لرجاء ولاد تتكسف لهم.. يا عم قول احفاااااااااااد .. الاخت رجاء هي وعادل من مواليد 38
يعني اصلا اكسبير من سنين .. يلا ربنا كبير
خلي المزيلة تسترزق
وخدت الكومنت كوبي علشان لو مدونتك عملت الدنيئة معايا اجييين
سلاااااموز
فتافيت
ردحذفعندي دي يا فندم
المره الي جاية اعملي حسابك في ورق كربون عشان لو النسخة الاولي جلت تيجي التانية
اما بقي بالنسبة للاستاذ رجاء الي بتيجي دايما تضرب في اماكن عجيبة والأخ الي مبسوط اوي كده
فعندك حق الصراحه واحنا نتشل ليه هما مبسوطين كده
ربنا ما يحرمنا من باور فاميلي ويخليه لامه
Very Nice And Interesting Post, thank you for sharing
ردحذفInspirational Quotes - Gym Quotes
Best Quotes - Success Quotes - xyore
Positive Life Quotes - Image Bank
Future Quotes - حكم عن الحياة
كلام جميل - حكمة اليوم