أجلس في هذا اليوم واتخيل أنني ونفسي أثنان
أنا ... ونفسي هي أنتِ ..
أسئلك عن المكان المناسب
فتختاري نفس مكاننا القديم
ونذهب حيث أردتي
سابحين في عالمنا الخاص بنا
عالم نحب فيه حبنا المتبادل
ونصل حيث قصدنا
فيفتح لنا نادل القاعة بابها
فأساعده في فتح الباب لكي
فتخطي بقدمك الباب وتأخذيني بيدك
كي أتقدم أنا المسير وتخبريني
أن هذا يشعرك بالأمان
نمشي حتي تأتي جلستنا الشهيرة
فيبتسم النادل أبتسامة معناها
كما تعودتم يا سيدتي
وتنظري في عيني
فتحتويني النظرة في عالم آخر
أجمل من عالمنا هذا !
فأبادلك النظرة ولكني أشعر أني
أنظر لكي وأنا بداخل عيناك
فأتلفت من كل جانب حولي داخل عينك
حتي تستطيع عيني أحتوائك كما أحتويتيني
واخرج من عينك علي صوت النادل
يقول لما اراك سيدي حزينا
ولما لم تأتي سيدتي معك
تلك الليله !
.jpg)
أردت فقط ان اشكرك على وضع هذه الاغنية على مدونتك
ردحذفلكم اعشق هذه الاغنية وصوت شادية فيها
ياسلاااااااااام
ردحذفمنه لله فلانتين ابن اللزينة جابلكم كلكم حالة من الوجد والشجن
اخرجت لآليء رائعة من السيد عظيم الشأن تامر
جميلة قوي قوي ياتامر
حتى لما جيت تكتبها حطيت فيها نفسك في اكتر من مكان " وتأخذيني بيدك
كي أتقدم أنا المسير وتخبريني
أن هذا يشعرك بالأمان"
جميلة قوي قوي .. ربنا يعيدك لعين من تستاهل تفتح لها لباب مرة أخرى .. وتفتح لها القلب على مصرعيه
ياتامر رديت عليك حالا في البوست القديم
ردحذفانا اطنشك؟ نو ابسلوتلي خسئتي ياستيته
انا بس نظري على قدي يابني .. يالا حسن البتنجان
يلهوووووووي يلهووووووووي
ردحذفطلعت مش لوحدي انهاردة .. ديه التدوية الحمرا صح
بس ايه ده بجد كلامك حلو اوي
كنت لسه بقول لستيته عندها اني عاملة زي قرد قطع انهارده
اتاري الموضوع كبر وبقت جبالاية قروووود
انا ونت وعاشقة وليدي والبقة تاتي
يلااااااااااا .. نشاطركم الاحزان يا سيدي
سلامووووووووز وبوست لوووووووووز
اولا..ام البنات ارهابيه تعسفيه مش بتحب موضوع الزفت الفلانطيم على رأى شوقيه ده بأى شكل
ردحذفبس انا هتكلم على خوطرك
بجد جميله وقوية وخصوصا" الجزئيه بتاعة ذكاء المرأة دى
انا بحب الستات الاذكياء
وتأخذيني بيدك
كي أتقدم أنا المسير وتخبريني
أن هذا يشعرك بالأمان
شوف وجود الرجل الزوج او الأخ او الأب مع المرأة طبعا بيشعرها بالآمان بس لما يكون راجل بجد مش راجل وقت الفلفصه وساعات الجد اشتغلى واعملى انت
المهم مش هاخرجك عن تدوينتك الرائعه بس اياك اياك تكون كاتبها بسبب الزفت ده
ممكن يكون فكرك بيها بس تكتبها علشان الفلانطيم
يبقى هاجيب الكرسى بتاع ستيته اللى ضربته فى الكلوب عند فتافيت
واخلص الليله
فتافيت
ردحذفطيب ممكن نعمل احنا عيد ويبقي الشوارع كلها صفرا بلون الموز الي هنشتريه في الجبلاية بقي
ونسمية عيد الجبلايتين :)
الفقيرة الي الله أم البنات
ردحذفهو صراحة الخاطرة دي أفتركتها من النيلة ده بس مش هموت نفسي يعني الحياة زي الفل برضه ويحرق الفلانتيت عليها هي نفسها كمان
آآآآآسف يا زهار والله
ردحذفمعلش اتلخبط في ترتيب الردود
وعموما كويس ان في حاجة عجبتك اهو اي خدمه برضه
عمتنا كلنا سوتيتة
ردحذفوالله طبعا مش مقصود الغلط في الترتيب بس جت كده بقي
منه له جي رايح منه له
ده شعاري النهاردة هههههههههههه
وشكار علي اللأليء دي كانت محتاجة عيارين من عند فتافيت.
فعلاً الجميع وقع في عدوى الفلانتين ...لكن لو كان الناس كلها هايتحولوا لشعراء بالشكل ده فأهلاً بتلك العدوى .:)
ردحذفتامر باشا علي
ردحذفيا عم شعراء ايه بس انت بتسمي الحلزونة الي انا عاملها دي شعر
شكرا علي المجاملة يا باشا
أزال المؤلف هذا التعليق.
ردحذفلو حذفنا المقطع الاخير ممكن نقول:
ردحذففتذوب عينى و عينك معا كما ذابت ارواحنا
و اذا به الزمن وقد وقف .. ليشاهد روعة حبنا
وإذا بنا نسبح وحدنا فى بحر أحلامنا فأنت أنا
وفجأة يصحو الزمن من غفوته وهو يقول اين انا؟
ماالذى جرى؟ أهو سحر الحب ام هو الهوى
واذا به يحملنا و يعود بنا من حيث انطلقنا وحدنا
واذا بصوت النادل يقول لى .. بل لنا
مالى أراك سيدى حزينا ولم تأتى سيدتى هنا