الأحد، 8 فبراير 2009

حسبي الله ونعم الوكيل


أسئلكم الدعــــــــــاء لكل معتقلين مسيرة غزة والتي كانت بميدان رمسيس في أوائل يناير الماضي.

علمت من أخي هناك أن بعض الزملاء كانوا بمبني ( جابر بن حيان ) وللعلم لمن لا يعرف هذا المبني ,هذا هو مبني أمن الدولة بالجيزة ويسمي بمبني ( جهنم الحمرا ) لما يحدث بداخله من تعذيب وأهانة , وأذكركم بالدعـــاء لهم بشدة.

اللهم فك أسرهم

اللهم فرج كربهم

اللهم خفف عنهم

اللهم ثبتهم

اللهم أنك تعلم أن هؤلاء الشباب والرجال هم الأتقياء الأخفياء فأخرجهم سالمين وكف أيدي الظلم عنهم.

هناك 34 تعليقًا:

  1. اللهم فك أسرهم وفرج كربهم واملأ نفوسهم ثقة بك وتوكلا عليك وصبرا في سبيلك


    وانا كمان بحب القهوة سعدت بالتعرف إلى مدونتك
    :)

    ردحذف
  2. عصفور المدينة

    ربنا يكرمك شكرا ع اليارة الجميلة دي
    وملحقتش اعملك فنجان قهوة طيب
    :)

    ردحذف
  3. اولا ما يثلج صدرك ان ربنا لما بيبتلي بيبتلي اللي يستاهل يترفع درجاته

    العجيب في الامر بيعملوا كده ليه؟ يعني معقول ان الرجالة اللي على حق هم دول اللي خطر

    طيب روح عند الواد عمرو اللي مدونته خمسة جد على البانر عندي وشوف بلدنا فيها ايه

    معقولة دول اللي متسابين؟ واللي بيقولوا اللهم انصر المجاهدين يبقوا هم اعداء البشرية؟

    على العموم هو ده الزمان اللي رسول الله قال فيه القابض على دينه كالقابض على الجمر

    ممكن اطلب منك طلب ومتزعلش

    بلاش دايما تذكر الكلام اتقال من مين علشان ميضيقوش عليه .. ربنا يفرجها عليهم يارب بحق لا اله الا الله

    ربنا يعمي عنهم ويسخر لهم ويطمن قلوب اهاليهم وامهاتهم

    معلش ياتامر فصبر جميل والله المستعان على ما تصفون

    ردحذف
  4. ستيتة حسب الله
    ربنا يكرمك يارب
    ونصيحتك طبعا صح ولكن متقلقيش انا لسه مدونتي مظهرتش اوي كده
    ولم اذكر اسم معين واخويا كده كده عندهم يعني مش فارقة
    وأعلم أن ما أصابك لم يكن ليخطأك وأن ما اخطأك لم يكن ليصيبك

    ردحذف
  5. ما لنا الا ان نقول
    حسبنا الله ونعم الوكيل
    في هذه الحكومات والانظمة الخائنة العميلة

    بارك الله فيك وجزاك الله خير الجزاء

    لا تنسوا اخوانكم في غزة من دعائكم

    ||..بحــر الدموع..||

    ردحذف
  6. بحر الدموع

    بالله عليك تلتمسوا العزر لينا
    والله مقصرين اه بس بنحاول نعمل حاجة
    بالله عليك تسامحونا احنا محتلين من جوه مصر
    والله لما قرأت البروفيل بتاعك بكيت
    بكيت علي الحصار الي انا فيه ومش قادر اعمل حاجة
    ربنا يكرمكم
    انتوا هناك بتدافعوا عننا كلنا
    وارضنا كلنا

    ردحذف
  7. ا شاء الله ربنا يفك اسرهم

    ويكون ده ميزان حسناتهم

    ردحذف
  8. د/عرفة
    آمين يا دكتور وزيارتك نورت المدونة

    ردحذف
  9. اللهم فك أسرهم


    اللهم فرج كربهم


    اللهم خفف عنهم


    اللهم ثبتهم


    اللهم أنك تعلم أن هؤلاء الشباب والرجال هم الأتقياء الأخفياء فأخرجهم سالمين وكف أيدي الظلم عنهم.


    اللهم امييييييييييين

    ردحذف
  10. فتافيت

    اللهم تقبل دعائك ودعائنا جميعاً

    ردحذف
  11. سلام الله عليكم ورحمته وبركاته اخي الكريم
    بارك الله فيك اسأل الله ان يفك كربهم ويجزيهم خير الجزاء ويجعل هذه الابتلاءات في ميزان حسناتهم ويرفعهم بها
    والله كنت هناك واتمسكت فعلا بس جه ظابط شكلي صعبت عليه قالهم سيبوا فربنا ستر "اصل شكل غلبان شويه"
    :)
    عامة يا اخي من الاشياء اللي بتصعب علي النفس انهم يتركوا كل البلاوي اللي في البلد وبيقتلوا كمان النخوة في نفوس الناس ,المدنتين في العالم اللي اتمنعت فيهم المظاهرات الضفة الغربية والقاهرة !!
    حسبنا الله ونعم الوكيل
    وفرج الله كرب كل مبتلي مسلم ورده الي اهله سالما
    وجزاكم الله كل خير

    ردحذف
  12. الفاتح الجعفري

    وعليكم السلام ورحمة الله وبركاته
    ربنا يكرمك يا استاذ
    وبعدين كويس انهم سابوك حظك حلو
    انا برضه اتمسكت في نفس اليوم بس ماسابونيش :)
    انا الي عملت فيلم هندي وعرفت اهرب منهم وربنا يجعلوا عامر
    نورتني بزيارتك
    وعلي فكرة الي بيحصل عندنا مش موجود غير عندنا حتي الضفة الغربية مش كده عارف ليه ؟ عشان في الضفة يهود
    لكن هنا مش يهود

    ردحذف
  13. اقرأ نص اتفاقية منع تهريب السلاح لغزة
    وادعوا الله ان يثبت مصر في عدم التوقيع عليها

    ردحذف
  14. يكفيهم شرفا انهم معتقلين للسبب دا

    اللهم ارزقهم الاخلاص واجعل الكربة اللي بيمروا بيها كفارة وافرجها عليهم قريب يارب

    ردحذف
  15. م/ الحسيني لزومي

    اللهم لا توقع بنا عار اكبر من حار غلق المعبر
    اللهم أهدي حكامنا
    اللهم رقق قلوبهم علي أطفال غزة
    اللهم ثبت المقاومة
    ربنا يجازيك خير

    ردحذف
  16. Founoon

    والله العظيم أنا لما بشوفهم بحس بالفخر بجد
    وبقول لو أنا بره ومش بعمل حاجة لله وللأمة دي يبقي جوه أولي بيا علي الأقل أحس أني قدمت لله من وقتي ومالي وحاجات كتير اوي ربنا عارفها كويس

    ردحذف
  17. اللهم فك أسرهم

    اللهم فرج كربهم

    اللهم خفف عنهم

    اللهم ثبتهم


    اللهم امين

    ردحذف
  18. بارك الله فيك أخي تامر وأسأل الله أن يجزيك خير الجزاء فالأعمال بالنيات ولكل إمرئ ما نوى فأسأله تعالى ان يكتب لك الاجر والثواب
    نعلم حالكم ونعلم ما انتم به من ضيق من انظمتكم الفاسدة لكن عليكم بالدعاء والنصرة لاخوانكم في غزة
    بارك الله فيكم وجزاكم الله خير الجزاء
    وتقبل جزيل احترامي وتقديري

    لا تنسوا اخوانكم في غزة من دعائكم

    ||..بحــر الدموع..||

    ردحذف
  19. نسأل الله لهم العافيه والثبات...

    وان يحفظهم ربى من كل سوء....

    وهى دى يا اخى ضريبة الحريه....

    فهؤلاء هم الاحرار حقا


    اما من حبسهم فهو السجين


    لانه عبد لمولاه الحاكم

    .
    وحسبنا الله ونعم اوكيل فى هذه الانظمه ....

    جزاكم الله خيرا

    ردحذف
  20. Bondoka

    آمين يا رب وشكرا علي الزيارة الأولي

    ردحذف
  21. بحـــر الدموع

    ربنا يكرمك وينصركم ويشفي صدور قوم مؤمنين

    ردحذف
  22. نور الأسلام

    للأسف كل مدي بكتشف سوء الحياة اوي وبحس ان الراحة مش دلوقتي خاااالص
    ربنا يكرمك ويستجيب لدعائنا ونورت المدونة

    ردحذف
  23. عارف .. انا بدعى بفك أسرهم زيك
    بس المشكله فى حاجه ..
    المظاهرات والمسيرات والاحتجاجات هتفيد غزه بإيه ؟؟
    كانت فادتنا احنا كشعب مصرى محتاج يتحرر مش من العدو الخارجى لا بل من العدو الأقوى وهو العدو الداخلى ...

    احنا محتاجين معجزه ,, أو أمر إلــهى

    جزاك الله خير

    ردحذف
  24. crazyrama
    هقلك انا هتفيد في ايه
    الاول بصي علي البوست القديم بتاعي بتاع نفسي احضنه واقري التعليقات هتلاقي رد وده جزء منه
    اولا عايزة تقنعيني ان العالم كله اغبياء اوروبي وعربي بالمظاهرات دي!؟
    ومع ذلك هنعتبر ده
    بصي في حاجة اسمها رأي عام والرأي العام ده مش بيبان غير بأحتجاج الشعوب يعني مسيرة سلمية يتقال فيها كل مطلب الشعب في القضية الي بيتظاهر عليها
    وده عشان يكون في راي عام بأسم البلد الي فيها المظاهرة دي
    ثانيا انا اتكلمت مع ناس من غزة الي فترة الي فاتت كتير كلهم بلا استثناء قالوا اننا لما بنشوف مظارهة في التليفزيون عشانا بنحس بفرق رهيب والله
    الناس دي كلها واقفة عشانا احنا !؟
    وفي تعليق بتاع بحر الدموع وده مدون غزاوي
    واسئليه كده بتفرق ولا لا
    وبالنسبة لمصر بقي
    مصر مش محتاجة معجزة ولا حاجة مصر محتاجة سوري عني كل الرجالة محتاجة رجالة
    ولو كانوا موجودين فهما قليلين ومحبوسين كمان
    احنا محتاجين نطبق حاجة صعبة اوي
    عشان ناس تعيش لازم ناس تموت

    ردحذف
  25. آخر حاجه سمعتها انهم حكموا على مجدي حسين بسنتين بتهمة زيارة غزة .... وكذلك مجموعة الشباب اللي نظموا مظاهرات تم اعتقالهم بتهمة التضامن مع اخوانهم في غزة ....كل يوم النظام يثبت توحشه وانغلاقه الفكري ومعاداته للشعب ورغباته وتقوقعه على ذاته الدنيئة ومصالحه فقط .

    ردحذف
  26. تامر علي

    والله يا حبيبي الأشكال دي لا تتورع عن الحكم علي اي حد أن شالله يكون رحمه الله عليه الشعراوي ولا السادات حتي
    دي عالم ولاد كلب بجد مش مبالغة

    ردحذف
  27. الحقيقة المصرية

    تشرفت بزيارتك يا أستاذ
    ولكن لم تذكر نوع التكاتف أو في اي صورة نقف بجانب هذه المشكلة
    وبصدق أنا لم يصلني موضوع الغرامة الموقع عليك من قبل ولكن أن شاء الله سأقرأ التفاصيل بمدونتك واللهم يسر ولا تعسر

    ردحذف
  28. استاذ تامر يعنى ااقدر بقلب جامد ااقولك يا بنى
    علشان بينى وبينك عشرين سنه بحالهم يعنى شاب قد الدنيا
    شوفى يا تامر اولا" انا ليا عندك مج نسكافيه ..وده طلبكتبته عند فتفوته
    وجيت اشربه بنفسى معلهش بشربها بلاك واسود من النيله ومن غير سكر
    وبحب اشرب القهوة والبن من عند واحد من اتنين يإما عبد المعبود فى باب اللوق او بن شاهين فى مدينة نصر او الدقى الاقرب بجيب منه
    وبرضه ساده ماشى؟

    انا اكتر حاجه مجنننانى
    الناس اللى اتقبض عليهم وبيتقبض عليهم
    بيلاقوا لهم مكان...وعيش...واكل ازاى
    دول تقريبا حابسين نص مصر وبيفكروا يحبسوا الباقيين
    طيب هما عندهم اماكن كتيير كده؟
    طيب امال الزحمة دى منين؟

    نييجى للجد
    بسم الله الرحمن الرحيم
    الذين قال لهم الناس إن الناس قد جمعوا لكم فاخشوهم فزادهم إيمانا" وقالوا حسبنا الله ونعم الوكيل

    ان شاء الله ان شاء الله سينصر الله دينه وسيهلك الظالمين بالظالمين

    ردحذف
  29. الفقيرة الي الله ام البنات

    من أجمل التعليقات عندي والله ونورتيني جدا بس حضرتك بتقولي اني الفرق عشرين سنة ليه ؟ هما 19 :)) بس
    وبالنسبة لمج النسكافية أنا عنيه لحضرتك والله مش مج دي حلة نسكافيه لو تحبي وعلي فكرة انا بشرب البن برضه من عبد المعبود وشاهين وفي واحد جامد اوي في باب الخلق بجيب منه احيانا لما بكون جنبه
    أما للآيه الكريمة فأنا متأكد من الآيه الي بتقول

    لن يضروكم إلا أذي

    يعني مجرد أذي
    نورتيني بزيارتك الجميلة دي

    ومن ناحية بقي بيلاقوا مكان للناس دي فهما عندهم مصر تانية غير الي احنا فيها لو حضرتك تحبي
    ومن ناحية الأكل والشرب
    هما اصلا بيجيبولهم عيش وجبنة وحلاوة بس
    وفي الغدا بيجيبوا رز في جرادل واي خضار في جرادل برضه
    يعني مثلا اخويا بيقولي ان مره جابولهم سبانخ زي ما هي
    يعني مقطوعه نصين وميتها خضره وحاجة تقرف الله يقرفهم زي ما قرفوا أشرف ناس في البلد وأنضف دمغه موجودة
    في البلد
    حسبي الله ونعم الوكيل أن شاء الله هييجي يوم القيامة ونوقف الحيوانات دي ع الصراط وناخد حقنا منهم
    يكفي لما ربنا يوريك تل حسنات وانت تسئل انا عملت الحسنات دي امتي
    فتعرف انه بسبب كلمة حق عند سلطان جائر
    وتلاقي جبل تاني من الحسنات وتسئل وربنا يقوله ده عشان القلم الفلاني الي اضربته في سبيل الله يوم كذا
    فتبتدي انت تقوله طيب انا بتهيئلي ان فيه قلم في يوم كمان :)
    ربنا يرحمنا

    ردحذف
  30. حسبنا الله و نعم الوكيل

    ربنا يفك آسرهم
    و لاونى متاكدة أنهم دلوقتى مرتاحين و حاسين برضا عن نفسهم أكتر من اى حد

    ردحذف
  31. أنا ودماغي

    نورتيني الاول بس بالزيارة الأولي

    هما والله الحمد لله مرتاحين جدا نفسيا وراضيين عن نفسهم جدا الدور والباقي علينا احنا الي بره

    ردحذف
  32. اللهم فك اسرهم وخفف عنهم كربهم

    امين يارب العالمين

    ردحذف
  33. اغنيه المدونه بتاعك جميله جدا جدا
    صوت شاديه مع الكلمات واللحن احساس صعب يتوصف

    انا بسمعها كذا مره

    ردحذف
  34. عاشقة وغلبانة

    يارب والله يا دك عشان طولوا اوي كده
    وأغنية شادية دي بتبكي اي حد يسمعها صراحة وفي ناس قالتلي شيلها عشان مش بنعرف نركز في القرأة منها في البوستات

    ردحذف

أكتب الي نفسك فيه وأنا مش بزعل متخفش
بس من غير شتيمة