أكيد أغلبنا إن لم يكن كلنا فاكرين مسلسل العائلة ,المسلسل ده تحديدا هيكون سبب في موتي من الكلام الي كاتبة سيد حجاب في المقدمة والنهاية ولحن عمار الشريعي...الراجل ده أنا مش فاهم عمل الشغل ده أزاي ؟
مشفتش ولا هشوف أحساس زيه.
الي فكرني بالمسلسل ده أمبارح أني كنت بقلب في الجهاز, وأنا في عندي فولدر كده أسمه تترات الله يمسيه بالخير أخويا هو الي كان مظبته كده ففتحته وقعدت أسمع البلاوي الي فيه كلها والله كنت حاسس اني مش هقدر اقوم من ع الكرسي الي قاعد عليه من الكلمات والألحان الي جت في وقت منيل ومكنش ينفع أسمعها دلوقتي.
من أول مسلسل الأيام
لتتر كتيبة الأعدام البداية والنهاية الي يقتلوك وانت بتسمعهم
لأبو العلا البشري
لأبو العلا تسعين
لحلم الجنوبي
للراية البيضاء
للشهد والدموع
لكل أغاني مسلسل الوسية( الي عايشين فيها)
لو حاولت أذكرهم كلهم مش هخلص البوست في يومي
المهم قلت أنقل ليكوا كلمات نهاية العائلة
وكان نفسي أحط الأغنيه معاها بس للأسف معرفتش أحطها
والكلمات دي بالذات بتفكرني بأخويا
أقروا الكلام وأنا عملت كلمات معينة باللون الأحمر عشان هي دي الكلمات الي كسَرت عضمي وأنا بسمعها .
نهاية العائلة
ــــــــــــــــــــــــــــــــــ
أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه
الناس ورا النظرة الباهتة..علي الأمل صاحية وبايتة
الناس ورا النظرة الباهتة..علي الأمل صاحية وبايتة
وأتمني الليالي تكون فايتة
وبكره جي وقابلوه...أقصدوه
أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه
وأنصروه.. أنصروه.. الأصيل حلو الشمايل وأسعدوه...أسعدوه
شايله الأمل طفل ف حجري...ومسيره يوم يحبي ويجري
شايله الأمل طفل ف حجري...ومسيره يوم يحبي ويجري
عمرك يا ضلمة ماتستجري
تسدي باب الناس فتحوه...أقصدوه
أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه
إن دارت الدنيا علينا..ولييلت من حوالينا
إن دارت الدنيا علينا..ولييلت من حوالينا
يا نبات في أحضان أهالينا
وإلا نتبعتر ونتوه...أقصدوه
أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه
وأنصروه.. أنصروه.. الأصيل حلو الشمايل وأسعدوه...أسعدوه
ــــــــــــــــــــــــــــــــــــــــــــــــ
والله أنا كنت ناوي مكتبش اي بوستات الأيام دي عشان مخنقش ع الناس الي بتدخل كفاية واحد مخنوق مش لازم كله يضايق زية ولكن في ناس قالتلي لا أكتب وعايزين نشوفك علي طول , محدش يزعل مني.
تمورة
ردحذفعجبتنى خالص الكلمات و للأسف أنا مش كنت سمعتها قبل كده , تقول ايه بقى , بس عارف أنا نادرا ما يعجبنى تتر مسلسل , أكتر تتر بيعجبنى بتاع مسلسل زيزنيا مش عشان اسكندرانية بس , لكن هو فعلا على مستوى الكلمات و الألحان جامد جدا , يتهيأ لى كان بتاع حجاب برده , و لا لأ؟؟
تحياتى يا باشا , و روق كده فى ايه بس مستهال نضايق عليه
بصي هو التتر البداية والنهاية بتوع العائلة لو عايزة تسمعيهم موجودين ورا بعض في اليو تيوب ولو عايزة اللينك هجيبهولك ثواني وجاي
ردحذفأهو :)
http://www.youtube.com/watch?v=DaRrbUh0Vcc
أي خدمة يا سارة
زيزينيا دي عشان تبقي عارفة من كوارث الموسيقار عمار الشريعي
برضه بتعملي مود رائع
وغناء محمد الحلو
وكلمات الداية والنهاية
الفاجومي
أحمد فؤاد نجم
بث يا ثتي أديني مروق اهو
الطريف في الأمر انك ربما لا تتذكر المسلسل نفسه لكن بمجرد ذكر اسمه تتذكر اغنية التتر
ردحذفربنا يخليهم ويواصلوا ابداعاتهم
ملحوظة: اغاني الوسية لحن ياسر عبد الرحمن
:)
كلمات الاغنية جميلة
ردحذفاختيار موفق ياتامر
ربنا يكرمك
تحياتى
أنا قلت لك اكتب علشان تروق شوية وانا عارفه ان الهم مش بيتنسي بس من جميل حب الله لينا ادانا لحظات مع نفسنا تخلينا نقدر نستحمل اللي جاي
ردحذفالرضا بالقضاء من اعلى الدرجات "رضي الله عنهم ورضوا عنه" بكره ها يجي احلى وطبعا اخوك ذوقه عالي جدا جدا ورغم اني مش بركز قوي في كلمات أغاني المسلسلات لكن أغنية مقدمة بعد الفراق دي لوحدها عندي
تحياتي
alzaher
ردحذفوالله عندك حق
فعلا المسلسل نفسه ممكن متفتكروش بس ده بيرجع لأهتمامك هل هو الحان اكتر من درامة ولا العمل نفسه مثلا لا يستحق الذكر
وعلي فكرة انا ذكرت الوسية علي انها من ضمن الفولدر بتاع التترات الي عندي مش علي سبيل انها لعمار
شكرا جدا لمرورك عندي وياريت تنورني علي طل
تامر باشا
ردحذفربنا يخليك
وطبعا ذكرت كلمة باشا عشان اسمك علي اسمي :)
وطبعا هو التوفيق في الاختيار يرجع لعمار الشريعي وسيد حجاب
ولكن شكرا لرفع الروح المعنوية ليا
وياريت متحرمنيش من زيارتك
خاصة ان اسمك تامر
ستيتة :))
ردحذفوالله انا فعلا لما كتبت خرجت شوية من الي فيا
وعندك حق
لما ربنا يبتيلنا كده بنبقي اقوي
وربك بيسترها وانت بتبقي حاسس ان نهاية العالم وصلت بس بتلاقيها دايما لسه
وأنا راضي طبعا بقضاء الله
تامر ربنا يفرج كربك إن شاء الله قريب
ردحذفويرجع لك أخوك بسلامة
بس عايزة أقولك أن البوست أخر حاجة والله والكلمات بتاعتة المسلل حلوة أوي وتخيل أول مرة أقراها أو اعرفها .. ماليش أوي في المسلسلات
اكتب يا باشا .. وعبر عن اللي جواك
واحسن حاجة وقت الزعل هي التفريغ النفسي وباي وسيلة بقى .. رسم كتابة كلام
المهم تفرغ وبس
تقبل مروري
فتافيت
ردحذفمتقبل مرورك يا ستي ومتحريمناش من زيارتك دايما
وعلي فكرة انا برضه مليش في المسلسلات غير التتر فقط
لأن القصة في الاخر شكل واحد ونفس المواضيع الفاشلة
ههههههههههه
ردحذفماشى انا هعلق اهو من غير شتيمة ولا حاجة
هيا فعلا الكلمات حلوة اوى بس انا مش فكارها خالص
يمكن عشان انتا مهتم بلفن
ومدونتك جميلة وبشكرك علىلا زرياتك لمدونتى ابقى تعالى تانى
البت المشمشية
ردحذفأنا كاتب من غير شتيمة مش عشاني لا
عشان الي هيشتم هيجيبو لنفسه :)
نورتيني وكرري الزيارة
لقيتلك اغاني مسلسل الوسية على الموقع ده
ردحذفhttp://www.mawaly.com/music/egypt/m7mad_el7lw/albums/default/
alzaher
ردحذفربنا يكرمك يا حبيبي والله وتعبتك معايا:) مع أنها عندي ع الجهاز بس والله هنزلها يمكن تكون جودتها أفضل
شكرا أوي بجد
1-انا عادل اللي علقت علي القصيدة بتاعته عند البنت المشمشية
ردحذف2-علقت هنا عندك لسبين
البوست ده تحفة و مستغرب اني اول مرة ادخل عندك ....لاني بحب اغاني المسلسلات قويو بالذات عمنا سيد حجاب و عمار الشريعي
بما انك بتحب الفن و فاهمة سوا رسم .. غني...تمثيل..اخراج ...شعر
احب اوضحلك النعتي بتاع القصيدة و كلام كمان انت عدي عليك
انا تاني سطر كاتب (شايف ربنا واحد) و كمان الجملة اللي انت علقت عليها (يارب بص لي هنا)
الاتنين ولا هما كلام خارج ولا هما بمعني وحش
انا قصدي اول واحدة من كتر التعب الحاجات البديهية اتلخطبت في دماغي اكتر ما اكون شارب حاجة و عشان كده كملت هو انا مسطول ولا فايق
و كمان الحتة اللي انت علقت عليها مش معناها ان ربنا مش باصص لي ولا حاجة لا بس انت في غضبك من الدنيا و بتكلم باباك ممكن تقوله بعتاب انا محتاجلك بص لي شوية اهتم بيا
مع ان اصلا اكيد باباك مهتم بيك اكتر مما تتخيلي
يارب مكونش تقلت عليك ....و تكون فهمت قصدي
و لولا اني عارف انك هتفهم كلامي ده مكنتش علقت و اهتميت اشرحلك كلامي مع اني معرفش حضرتك معرفة شخصية
دمت بود
عادل
http://elbald-dy.blogspot.com/
تامر علي باشا
ردحذفبص يا ريس
اولا شكرا علي زيارتك ليا علي مدونتي المتواضعة
وكفاية زوقك في الكلام مش زي ناس كتير بتاخد النقض بمحمل غبي اوي
وانا فاهم قصدك والله وعارف ان الموضوع بالنسبة ليك مش كفر يعني لا طبعا بس خلي بالك اوي الخيال احيانا ممكن يخليك تخرج شوية وده مش صح
يعني مينفعش ابقي بغني لواحدة في شعر مثلا واقولها انا بحبك حب عبادة
عبادة مين بالظبط ؟
هو عبيط الي بيقول ده
ومينفعش نشبه ربنا ببابا مثلا
لله المثل الاعلي
وطبعا ده مينطبقش تحت بند الحرام
لا ده تحت بند اللغو لأنك مش قاصد اما لو قاصد يبقي حرام طبعا
ويا سيدي انا اصلا عجبتني اوي كلها بس هي دي بس الي خليتني اقول كده
حصل خير يا باشا وبعدين مش هنختلف انت اسمك علي اسمي :)
حصل خير و عموما دي اول مرة اصلا اكتب شعر عامي و كمان .... انت بتقول رائيك و انا برد ...سيبك من الكلام و الخناق اللي مفيش منه فايده ده مش اسلوب ناس متحضرة
ردحذفو هي بترجع لكل كاتب و مش كل اللي الشعر بيكتبه او يقولوه يقصدوه ولا ايه :):)
ده لو اعتبرنا اني اصلا شاعر
ههههههههههههههه
عادل
ردحذفمين قال انه مش شعر يا عم عادل بس ؟
طالما حاسس الكلام يبقي فن يا معنمي
وبعدين انت يعني مطلعتش قلت السنونو ولا الحلزونة ده كلام مفهوم وواضح اهو