بجد يا جماعة أنا واللع مشغووووووول جداً وغصب عني اني لسه مردتش علي تعليقات الموضوع الي فات بس والله هرد كده كده
وحتي مكنتش فاضي اكتب البوست ده بس فضيت نفسي النهاردة عشان ماما بقي
وخلينا ندخل في العيد ومحدش زعلان مني عشان مردتش لسه.
-----------------------------------------
ماما كوكتيل
والله بجد يا جماعة أمينة رزق في ملامحها لما تزعل علي حد فينا
ولما تنصح حد بتقلب كريمة مختار خالص
واحيانا دكتور شديد لو تعرفوه ( وماله يا اخويا وماله )
رغم انها مش م الفلاحين خالص بس طيبتها عجيبة !
لو كنتوا تشوفوها وهي بتصحيني الصبح
ونعمة هتكرهوني عشانها
ولو شفتوها وهي زعلانه عشان حد فينا من غير ما تعرفوا فيه ايه هتزعلوا
ووارثة خفة الدم الغير طبيعية من ستو ومني :)
قنبلة موقوته في الضحك بجد وبالأخص لو بتتريأ علي حد فينا ( تحفة )
ربنا يخليكي يا ماما ونحبك أكتر من كده وتفضلي تحبينا أوي كده
لما أخويا راح البعثة الربانية بتاعته ورجع وبيقول علي انهم حطوا في ايده كلبشات
قالت بمنتهي الطيبة والبراءة : بقي دول يتحط في ايدهم ( كلابتشات )
كنا هنموووووووووت م الضحك
قلتلها ايه الشلنكبات دي يا ماما أسمها كلبشات.
يارب خليها لينا وخلينا ليها
قعدت أفتكر وأنا صغير لما كنت باخد منها فلوس عشان أجيب ليها هدية عيد الأم هههههههههههههههههه
وأروح أشتري الباكدج مع بعضه
علبة صغيره كده فيها ازازة ريحه عجيبة الشكل والرائحه
بوك من الجلد البلاستيك الي علي ابوه
منديل ( علي أساس أن ماما أم كلثوم يمكن )
وردة صناعي لونها غريب
يعني كانت هدية بالصلاه ع النبي كده مش نافعه بس كنت بجيبها
وكان تمنها باين اتنين جنيه ونص تقريبا
يلا أنما الأعمال بالنيات
كفاية كده بقي عشان أقوم اروح البيت أحتفل مع أخواتي بماما
بوست جميل يا تامر
ردحذفربنا يخليهالك إن شاء الله
كل سنة وهى طيبة وتكون جنبك وفى احسن صحة واحسن حال
ردحذفوربنا يخليها ليك وتفضل تدعيلك
ربنا يخليلك طنط يا تامر
ردحذفربنا يبارك لكم في عمرها
ردحذفويبارك لها في صحتها
ويرزقها الدرجات العلى من الجنة
ويرزقكم برها والإحسان اليها
ومؤكد هي اجمل كتير من امينة رزق وكريمة مختار كمان لأنها ست صابرة ونحسبها على خير ولا نزكيها على الله
فقري يا تامر والله العظيم
ردحذفحلو اوووووووووووووي البوست والله العظيم
على فكرة مامتي برضو دمها خفيف جدا..والقفية عندها ايه سيكينة في جاتو
مافيش كلمة الا لما تضرب كلمة قصدها تعيط من الضحك عليها
ولا ما تيجي تشتغلنا ونيجة نقولها ايه.. تقول ااااااااااه.. اصل انا ماما جانجاة ههههههههههههههههههههههههههههههههه.. غيرت الفكرة عن المنتقبات انهم معقدين او دمهم تقيل
بحبهاااااااا اوووووووووووي
ربنا ما يحرم اي حد من امه ابدا.. ويصبر اللي فقدها
سلم لي على طنط جدا جدا جدا.. وقولها فتافيت بتقولك كل سنة وانت طيبة
أيوه أنا فاكر الهدية العجيبة دي كنا بنجبها للمدرسات اللي في المدرسة بالإكراه واللي مايجبهاش نهاره مش فايت :)
ردحذفربنا مايحرمكش من الست الواله أبداً ولا يحرمها منكم ولا منّي :)
حسام غانم
ردحذفآمين يا أستاذ ويرحم والدتك في الدنيا والأخرة
زوجة عنيدة
ردحذفوانتي طيبة وربنا يخليليك أولادك ويبروكي دايما ويخليليك والدتك
البت المشمشية
ردحذفآمين يارب ويخليليك مامتك ومتزعليهاش ابداً
عمتي سوتيتة الي منورة مدونتي دايما
ردحذفربنا يخليكي ويخليليك طنط صافي
وتفضلي تحبيها كده وتحبك كده
وطبعا ماما أحسن م الاتنين ( بعض الغرور لا يفسد للبتنجان ملوخية ) هي بس في تعبيراتها بتفكرني بيهم
أنت تسئل والكمبيوتر يجيب
ردحذفطيب لما أنت بتسئل والكمبيوتر بيجاوبك أنا مالي
فتافيت السكر هانم
ردحذفربنا يخليك يا أبو رامي :)
دايما جابر بخاطري كده, مين جابر ده ؟
ووصلت سلامك للماما بتاع الأنا وبتقول وانتي طيبة يا ( خبيبتي )
تامر بك علي
ردحذفده حاجة تخنق يا جدع
هدية عجيبة
وصحيح موضوع الأبله بتاعتنا كلنا الي زي ميكون خريجي مدرسة واحدة ده غريب جدا
انا لو عايز اجيب هدية هجيب هي بالعافية !
انا مش هعلق على كل الكلام اللى قلته ده جميل بس انا هعلق على حاجحه وحده فى الاغنيه كوبليه هيثم شاكر هو يقصد هو يعملها تمثال يعنى يقف فى الصاله ثابت ميتحركش ولا هيعمل لامه تمثال شكلها يعنى زبيبه
ردحذف