منهم لله...عمار الشريعي وسيد حجاب

أكيد أغلبنا إن لم يكن كلنا فاكرين مسلسل العائلة ,المسلسل ده تحديدا هيكون سبب في موتي من الكلام الي كاتبة سيد حجاب في المقدمة والنهاية ولحن عمار الشريعي...الراجل ده أنا مش فاهم عمل الشغل ده أزاي ؟

مشفتش ولا هشوف أحساس زيه.

الي فكرني بالمسلسل ده أمبارح أني كنت بقلب في الجهاز, وأنا في عندي فولدر كده أسمه تترات الله يمسيه بالخير أخويا هو الي كان مظبته كده ففتحته وقعدت أسمع البلاوي الي فيه كلها والله كنت حاسس اني مش هقدر اقوم من ع الكرسي الي قاعد عليه من الكلمات والألحان الي جت في وقت منيل ومكنش ينفع أسمعها دلوقتي.

من أول مسلسل الأيام

لتتر كتيبة الأعدام البداية والنهاية الي يقتلوك وانت بتسمعهم

لأبو العلا البشري

لأبو العلا تسعين

لحلم الجنوبي

للراية البيضاء

للشهد والدموع

لكل أغاني مسلسل الوسية( الي عايشين فيها)

لو حاولت أذكرهم كلهم مش هخلص البوست في يومي

المهم قلت أنقل ليكوا كلمات نهاية العائلة

وكان نفسي أحط الأغنيه معاها بس للأسف معرفتش أحطها

والكلمات دي بالذات بتفكرني بأخويا

أقروا الكلام وأنا عملت كلمات معينة باللون الأحمر عشان هي دي الكلمات الي كسَرت عضمي وأنا بسمعها .

نهاية العائلة

ــــــــــــــــــــــــــــــــــ

أقصدوه.. أقصدوه.. أبعدوا عنه الهوايل وأنجدوه...أنجدوه

وأنصروه.. أنصروه.. الأصيل حلو الشمايل وأسعدوه...أسعدوه

الناس ورا النظرة الباهتة..علي الأمل صاحية وبايتة

الناس ورا النظرة الباهتة..علي الأمل صاحية وبايتة

وأتمني الليالي تكون فايتة

وبكره جي وقابلوه...أقصدوه

أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه

شايله الأمل طفل ف حجري...ومسيره يوم يحبي ويجري

شايله الأمل طفل ف حجري...ومسيره يوم يحبي ويجري

عمرك يا ضلمة ماتستجري

تسدي باب الناس فتحوه...أقصدوه

أقصدوه.. أقصدوه.. أبعدوا عنه الهوايل وأنجدوه...أنجدوه

وأنصروه.. أنصروه.. الأصيل حلو الشمايل وأسعدوه...أسعدوه

إن دارت الدنيا علينا..ولييلت من حوالينا

إن دارت الدنيا علينا..ولييلت من حوالينا

يا نبات في أحضان أهالينا

وإلا نتبعتر ونتوه...أقصدوه

أقصدوه.. أقصدوه.. أبعدوا عنه الهوايل وأنجدوه...أنجدوه
وأنصروه.. أنصروه.. الأصيل حلو الشمايل وأسعدوه...أسعدوه

ــــــــــــــــــــــــــــــــــــــــــــــــ

والله أنا كنت ناوي مكتبش اي بوستات الأيام دي عشان مخنقش ع الناس الي بتدخل كفاية واحد مخنوق مش لازم كله يضايق زية ولكن في ناس قالتلي لا أكتب وعايزين نشوفك علي طول , محدش يزعل مني.

نفسي أحضنه

كأنك حضنت الجمال إلي في الدنيا كله

تخيل لو حضنت الورد

أو حضنت صوت البحر

أو حضنت السما ساعة الغروب

أو تخيل أنك بتحضن الألوان

أو بتحضن صمود الجبال

أو بتحضن أرض خضرة

أو تخيل بجد أنك بتحضن الحنية نفسها..ممكن ؟

أو بتحضن الكرامة متجسدة في صورته

أو بتحضن بني آدم جسمه هو الصبــر

أو بتحضن التضحية

أو بتحضن فارس أنقذك من الأسر

أو بتحضن رسول شايلك خبر جميل

مبحسش بكل ده إلا لما أحضن سعيد اخويا

يمكن عشان هو إلي كبرت قدام عينه

وكان بياخدني معاه كل حته هو رايحها رغم فرق السن

ولا عشان هو أخويا فلازم يبقي كده .. معتقدش

ولا عشان هو بيضحي أوي عشاني

ربنا يفك اسرك يا سعيد عشان أنا تعبان أوي من غيرك

سامحوني

مكنتش عايز أنشر الصور دي بس سامحوني والله انا تعبت أوي من ساعة مشفتها بس لازم كله يشوفها عشان يحس بالنعمة الي هو فيها.

ويقدر قيمة المقاطعة والدعاء والتبرع ويعرف أن الكلام ده ربنا هيحاسبة عليه.

أنا هسيبكم مع الصور

وياريت كل واحد وهو بيتفرج

يفتكر كل منتج أمريكي هو أشتراه

ويستغفر عليه

ويدعي ربنا يغفرله

لو ليك في الفيس بوك...متكسلش

هم في المقاومة ولو الكترونيا لنغلق معا هذا الجروب الاسرائيلي الذي يدعم الحرب الاسرائيلية على قطاع غزة مع التأكيد انه جروب يهودي معادي ومهمتنا المساهمة بإغلاقه وليس الانضمام اليه وطريقة الغاءه مشروحة فقط ادخلوا على الجروب ونفذوا الخطوات التالية وتأكدوا انه لاحاجة للانضمام اليه لتنفيذهااسم الجروب

I Support the Israel Defense Forces In Preventing Terror Attacks From Gaza

الرابط:http://www.facebook.com/s.php?ref=search&init=q&q=gaza&sid=de450e6ecfacfd8383c65b901fd4d9d0#/group.php?gid=69810300128

طريقة الغاء الجروبفي اسفل صفحة الجروب يوجد كلمة

Report Group

اضغط عليها واختار

Attacks individual group

ثم اكتب العبارة التالية:

This group encourages terrorism

بلاش كسل.

لمساعدة الجرحى الفلسطينيين فى مصر

بسم الله الرحمن الرحيم

{إنَّـمَـا المُـؤْمِـنُـونَ الَـذِيـنَ آمَـنُـوا بِاللَّهِ ورَسُـولِهِ ثُمَّ لَمْ يَرْتَابُوا وجَاهَدُوا بِأَمْوَالِهِمْ وأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ} . { وما تقدموا لأنفسكم من خير تجدوه عند الله هو خيراً وأعظم أجراً }

وبقول رسوله صلى الله عليه وسلم : (من جهز غازيا في سبيل الله فقد غزا ، ومن خلفه في أهله بخير فقد غزا ) متفق عليه

هناك اخوة فلسطينين في معهد ناصر ومحتاجين مساندة نفسية كبيرةنداء لاخواننا الشباب - المصابين محتاجين حد جانبهم محتاجين مرافقين.. محتاجين حد يتكلم معاهم صحيوا من البنج لقوا اجزاء من جمسهم مبتورة... وصحيوا من النوم افتكروا كل اللى حصل عايز تساعد بجد؟ اتصل باخونا الدكتور محمد0182612232 هو شبه مقيم بالمعهد .. ومعاه كافة التفاصيل ولمن يريد التبرع بالمال علي أرقام الحسابات التالية a: 134900 بنك فيصل فرع اسكندريه: بنك قناة السويسa: 21090-1-0من الشمال لليمينa: 21090\1\0دي ارقام حسابات اتحاد الاطباء العرب - لجنة الاغاثة والطوارئ نرجوا من المتبرعين ارسال بيانات التحويل حتي نوجهها الي المستشفي المتنقل

جزاكم الله كل خير

أقل دور

لو كنت رئيس