أصلي
والراجل الي شكله غبي الي فوق ده مش فاهم ايه علاقته بالفن بس اخراج الفيلم ده بيعجبني أوي قلت يلا بقي
وبعدين بصراحه حسيت كده انه بيعبر عن اني بحب الفن اوي
غصب عن عين اي حد م الآخر
ومفيش وقت كتير أقعد أنقي واحد حليوة
زي مهند مثلا الله يحرقه مطرح مهو متنيل
قلت عمو الي شكلة مش نافع ده كويس
وبعدين فكرت احط صورة تامر حسني
وقلت ملوش لازمة اقرف كل مدون يجيلي يلاقي شعر طالع م الشاشة في خلقته قلت خلاص لما يبقي يقفل زرايرصدره دي ابقي احطة
بس برضه لقيت عقبة
شعر حواجبة
طيب والله منا حاطة
قلت طب حط صورة حسين فهمي أهو حليوة برضه وفي ناس بتتهبل عليه مش فاهم ليه
وقلت لا ونعمة بعد البرنامج الرهيب الفظيع الشنيع المريع بتاعه منا حاطة
عاملي برنامج جديد وجايب الي كلت دراع جوزها والي عض عياله والي دخلت الجيش هي ناقصاك يا اخويا
وناقصة هبل اصلها ولا هو كالعادة أكل عيش والسلام خلاص مبقتش تنفع في البوس والأحضان قلت خلاص أديها فضااااااااايح.
طب أحط صورة الشحرورة صباح
معلش مشوها الشحرورة عشان خاطري وأنا مانع اي الفاظ مش ولا بد
لقيت الولية برضه عافا عليها الزمن وبقت شبه العربية الحنطور القديمة الي في أغنيه طيب يا صبر طيب بتاعة الراحل عبد المنعم مدبولي
وبعدين تبقي كارثة لا تفكر تتجوزني عشان حاطط صورتها ما أهو أصل الولية دي ما بتصدق تتجوز كل ربع ساعة كده.
قلت بس
مفيش غير الراجل المسجل قتل في قسم الخليفة ده
ولا ليه عندي مصلحة ولا ليا عنده مصلحة ومش هيعرف يطولني بقي.
بس لو قلتولي شيله
أنا معنديش اي
دم ومش هشيله طبعاً عشان دي مدونتي انا : p
احمدك يا رب
ردحذفاول تعلييييييييييق
انا بقول تسيبك من ده كله وتتجوز الشحرورة.. ومشيها الشحرورة
ردحذفاهي مرضعة اخناتون وست زي العضم منزوع النخاع حاجة لايت كده زي بقسماطية مه فنجان القهوة اللي حمض عندك ده
يلا بقى انا اخدت لك ميعاد معاها .. بماني صاحبة الليلة (تسيييييييييييح)
مبروك الصورة بتاعة العو ده
وحب يا اخوي الفن براحتك .. هو اصلا مش مرتطبتش اصلا
سلاااااااموز
إيه يا عم الناس القمر اللي انت حاططهم دول .. عثل عثل جااااامد..
ردحذفبوست لذيذ
حط صورة الشحروره وجنبيها القطه اللي في العقال ديه
ردحذفوحطهم في كوشه
وكده نقولك ألف ألف مبروك على جوازك من الشحروره
ههههه
تامر
ردحذفايه الفن دا يا راجل
بص هات لنا مجموعة تانية
يمكن نلاقى عدلك فيها
عموما انا شايفة القط جميل جدا
بس بلاش النيو لووك وحياتك
لبسه صعيدى المرة دى
بصراحة انت ممكن تلم الناس دي وتعمل بيهم فيلم رعب احسن ... فن ايه يا راجل ده ..وبعدين انت تطول تتجوز الشحرورة ...دي ست خبرة كبيرة في فن الحياة ولو غلطت هتضربك على ايدك وتقولك كده كخخخ...حد لاقي :)
ردحذفبالنوسبة للراجل اللي فوق
ردحذفعلي النعجة ده راجل محترم طحن طحن
بالنوسبة للقط
زعلانة منك وكل دودة في قلبي قد الحنش
فين الهوية الوطنية؟
اقل من قط صعيدي مقبلش
بالنوسبة لمهند
ابندجك لو حطيت اللي مش باين هو دكر ولا نتاية ده
بالنوسبة للي محتاج يحلق ويستحمى
يع يع يع
بالنوسبة لمتحف الشمع
دي حد دعى عليها زمان وقال روحي ربنا يفرج عليكي خلقه
وادينا اجباري بنتفرج ع العار وربنا يعافينا من الولية الملط
شفت اخر كلام
الست بتقول في آخر حديث صوحفي لها ان مفيش حد من اجوازها المتعاقبين الا وخانته حتى رشدي اباظة بجلالة قدره
وآخر أقوال هذه المعزة انها عاوزة تتجوز شاب
ابسط ياعم
هانيلاك يا سيدي
ها ترتاح من محل رجال الأهمال وتفتح اجنس سيارات جاجور
خلي الراجل اللي فوق
اهو محترم وواخد سهم في صدره وبيموت
ايه الناس العثل ×عسل الاحاطط صورهم دول :D
ردحذفكلهم جامدين وخصوصا مهند
انا جيت تانى
ردحذفناس اخر حاجة وزى الفل اهم
انت اعمل منهم صورة كوكتيل
وعلقها بضهرها على باب المدونة
وبكدا تكون رضيت كل الاطراف والصوابع
:)
تقبل مرورى
الأمثلة اللى انت ذكرتها من الفنانين فعلا امثلة سيئة جدا
ردحذفيكفى انى سمعت ان تلك الشحرورة
تعترف انها خانت رشدى اباظه عندما كانت زوجته رغم انها كانت تحبه
وما خفى كان اعظم
حلو الراجل المقاتل ده جميل اوى
دايما بحس انى مقاتل فى حياتى
على فكرة بقى انت حاطط صورة القط دة كمين
ردحذفبقى انا اجى ازورك اول مرة كدة اتسرع من منظر مهند.. وللا الراجل اللى حاطط حلقان فى وشة كله دة
لالا الصور دى خطر على البنات الركيكة على فكرة
هههههههههههه
أول زيارة وان شاء الله اجى اتلامض معاك هنا علطول
ههههههههههههههه
ردحذفعلى فكرة اللي هيتجوز الشحرورة هيتجوز التاريخ
صورك طحن
هههههههههههههههههههههههههههههههه
ردحذفبوست جااااااااااااااااامد حاسب بجد تخبطنا
ايه يا عم الجمال ده
ردحذفانا شوفت صورة القطة قلت اكيد الراجل ده
بيحب القطط زيى واول ما دخلت فضلت اضحك
من اسلوبك الكوميدى اوى
تصدق بقالى فترة مش باقابل حد جميل زيك
ممكن يسرق الضحكة من بين الحزن
بس انت اديتنى بمبة من شكل البوست من برة
بس بصراحة اجمل حاجة عجبتنى هنا
صورة القط جميلة اوى
وعلى فكرة انا اخذتها
احمد
ياه هى الست صباح الخير دى لسه موجوده دى اول صوره ليها كانت على الحجاره
ردحذفوصلت للصور الديجتال والالوان
دنييييييا
تحياتى
وإشمعنى بقى صورة صباح هي اللي طبيعية من غير تعديلات فنيه؟ هه؟
ردحذفإديها شوية رتوش كده وألا كده
:-D
الله
ردحذفيعني دلوقت اطمن عليك انا ازاي
مش عاوز تدون طب أوك
بس مش ليك أخوات يابني عاوزين يطمنوا عليك
اللي بيغيب بيبعت جوابات ماسجات ايميلات حبشتكنات
ابعت ان شا الله حمام زاجل قول للبشر انك بخير
تحياتي