لكي الله يا غزة

حسبي الله ونعم الوكيل

- في تمام الساعة الثالثة ظهراً بتوقيت مصر تم قصف مدينة غزة من قبل جيش الاحتلال الأسرائيلي وصرح المتحدث الرسمي بأسم وزارة الدفاع الاسرائيلي أن هذا الهجوم ما هو إلا بداية لما سيحدث بالمنطقة.

- حركة حماس تتهم بعض الدول العربية بالتآمر مع أسرائيل فيما حدث اليوم.

أحد الضحايا بعد القصف مباشرة وبجانبة أحد اقاربة

المستشفيات بغزة لا تستوعب كمية الجرحي

155 شهيد و 200 جريح من المدنيين والشرطة وحركة حماس

مقتل رجال من حركة حماس يرتدون زي الشرطة

تتوعد كتائب عز الدين القسام بالرد السريع علي ما أصاب أهالي غزة من زعر وقتل وتخريب

أفتح محضر

الباشا : أفتح محضر يا أبني وخلص , أصل الحلو عاملي مخلص

المتهم : يفتح أيه ولمين ده يا بيه.... أنا مش فاهم انا هنا ليه؟

الباشا : أنت بتقعد ع الفيس بوك؟

المتهم : قصدك بدخل علي الفيس بوك :))

الباشا : شكل كلبشك مش هيفك ... يعني قضية مفيهاش شك ؟

المتهم : هو النت بقاله قضية ؟؟؟ :((

الباشا : أنت دماغك في الملوخية ؟ دنا لسه مخرج أسراء بدماغ عالية وميه الميه

المتهم : طب اسراء عملت أضراب ... ليه هيكونلي معاها عقاب ؟

الباشا : مش دي زميلتك في التنظيم

المتهم : هو أنا وهي مجوزين!!! ؟

الباشا : ليلة كوبية وزي الطين ... أنا مش بحكي في تنظيم أسرة؟

المتهم : أمال تنظيم مين بلا حسرة

الباشا : تنظيم النت يا أبو مخ تخين

المتهم : يا باشا .. أنا كل كلامي ع النت , بلف وأدور علشان الاقي بت

الباشا : تبتدي بقي تعجن وتلت ؟ ياض حواراتك كلها عندي من أول أضراب أبريل ,لتصدير غازنا لأسرائيل

المتهم : أنا مش هنطق غير بمحامي

الباشا : أنت هتنجز ولا هتقلع هنا قدامي

وهجيب الكلب الألماني

وأمك تيجي تبوس خدامي

قبل ما ييجي م الكلب ضنــــاك

أو أقلك فكرة جميلة

أنا أجيب أختك عندي يا حيلة

ونقضي معاها ليلة وليلة

وأنت أتفرج ع الهليلة :)

ها...

شفت المنظر يبقي أزاي ؟

شكلك طيب مش رغاي

قولي بقي بقيت التنظـــيم ؟؟؟

المتهم : هات الورقة, اللهم أهلك الظالمين بالظالمين

أنا ناقص ع الصبح

طيب يا أحمد أنا هقلب أنا بقي عشان الحق أنام شوية وأقوم أروح المحروق الشغل وأقابلك بالليل ,وسبت أحمد صاحبي ومشيت في حارة عزيز خليل وفجأة سمعت صوت دش وأنا معدي من جنب بيت كده وزي ميكون الي بيستحمي ده واقف في بير السلم يتليف بصراحه ,الموضوع شدني معرفش ليه وبصيت في اتجاه الصوت لقيت بيت من الي حمامه بيبقي بره الشقة يعني فيه باب جنب باب الشقه كده هو ده الحمام يا جدعان!!!

المهم بصيت علي الباب ده لقيت الباب في فتحات أكتر من الخشب الي فيه ومن ورا الفتحات دي والله غصب عني لقيت واحدة واقفة تستحمي وحياة ربنا يا جدعان أتخضيت خضة بنت كلب وبرئت تبريئه مش طبيعية فعلاً وبعدين الشيطان أبن الهرمه أشتغل بقي بكل مصطلحاته الجديدة ( أيه الجمدان ده يا جدع - اللحمه طلعت يا رجالة ) وبعدين استعذت بالله من الشيطان الرجيم وقلت :أمشي يا تامرأنت لسه مصلي الفجر ولسه الفكرة في دماغي الاقي الي جوه الحمام بتنده :

بت يا رشا ... رشـــا ... ناوليني الفوطة وغيار من الدولاب.

قلت يا نهار أسود وكمان هتلاقي رشا خارجة ومعديه من وسط مدخل البيت وفي أيدها فوطة وغياااار!!!!!!

طيب أمشي أنا قبل ما يجيلي سكتة دماغية.

وكملت الأستعاذة ومشيت كل الي بحكي فيه ده في أقل من دقيقتين بجد والأفكار بتتلاحق علي دماغي بشكل مرعب من أفكار حلال لأفكار حرام لأفكار بنت حرام...المهم طلعت بيتنا وهديت كده وقلت أنا أدخل الحمام آخد دش سخن أو شاور عشان أبقي روش وستايل كده وأرجع أنـــــــام وربنا يهديني ...لقيت في حد في الحمام يادي الخنقة ...عايز أنام وورايا شغل بدري...خبط علي باب الحمام لقيت أختي هي الي جوه... فرجعت ورا شوية وبصيت بشكل لا أرادي علي باب حمامنا لقيته مقفول كويس أوي من كل حته... قلت يااااااااه الحمد لله بجد.

يا تري كام واحد هيعدي في حارة عزيز خليل ويلم عينه وميبصش علي باب الحمام ؟ وياتري كام بيت حمامه كده ؟ وكام واحد حمام بيتهم زي الي في الصورة الي فوق ده ؟ وكام رشا بتعدي بالغيار قدام الناس في أي وقت في اليوم ؟!!!